طريقه عمل الكريم الكراميل The way to work caramel cream

كريم كراميل Creme caramel

طبعا كلنا عارفين الكريم كراميل ومعظم الامهات بتعمله لاولادهم  ولازواجهم  وهو من الاكلات المميزه والمحببه لدي الجميع

ممكن تعملوه بطريقتين طريقه الاولي اللي انا بستخدمها علي طول لسهولتها وسريعه  حرق السكر واضيف عليه المهلبيه العاديه

الطريقه التانيه باكياس الكريم كراميل

يلا اتشجعوا وقوموا اعملو حاجه حلوه لاولادكم هتعجبهم جدا

  

ان شاء الله هقولكم علي طريقه عمل الكريم كراميل من موقعي( My Food ) بالطريقتين  

⇩⇩  اليكم الطريقه والمقادير  ⇩⇩

الطريقه الاولي اللي قولتلكم عليها بتاعه حرق السكر :

المقادير :

 لبن 

نشا 

كاسترد

سكر

قوالب الكريم كراميل

الطريقه :

 هنعمل المهلبيه الاول :

1- نغلي اللبن اي كميه تحددوها علي حسب افراد عائلتك 

2- تضيفي سكر لللبن وتقلبي ( انا بحط معلقتين كبار للكوبايه )

3- تدوبي النشا والكاسترد في شويه مايه وتهدي النار خالص وتضيفيهم واحده واحده علي اللبن وتقلبي , طول مانتي بتحطي النشا علي اللبن قلبي علشان مش يكلكع منك 

4- قوامه هيبقي ماسك شويه تسيبه يغلي غلوه واحده وتطفي 

5-تجيبي قوالب الكريم كراميل وتحطي في قعرهم شويه سكر قليلين وتحطيهم علي النار لحد مايدوبوا ولونه يتغير

6- تعملي كل القوالب كده ولما تخلصي ضيفي المهلبيه علي السكر المحروق وسيبيه يبرد ساعه او ساعتين لو عاوزه تدخليه التلاجه يبقي تمام 

ولما تيجي تقدميه استخدمي معلقه فكي الجوانب من بعضها واقلبيه في طبق وبالهناااااااااااااا 

الطريقه التانيه اللي قولتلكم عليها بتاعه البيض   :

المقادير :
2/3 كوب كريمه خفق 
4 بيضات
2 كوب وربع لبن

فانيليا
ملح
2/3 كوب سكراو 120 جم 

الطريقه :

احط اللبن في حله علي النار علشان يسخن واضيف معاه الكريمه والسكر واقلبهم واسيبهم علي النار 

في نفس الوقت احط سكر في طاسه علشان يدوب ( ده للكراميل )

في بوله كبيره هنحط البيض والفانيليا وملح واقلب بالمضرب السلك 

اول ما اللبن يسخن اضيفه علي البيض واحده واحده واقلب محطوش مره واحده

اجيب القوالب واحط السكر اللي اتكرمل في قعر القالب واسيبه شويه لحد مايبرد ثم 

اضيف اللبن عليه

ندخل القوالب الفرن لمده 1/2 ساعه علي 180 درجه