كيكه البسبوسه

كيكه البسبوسه  😆☺

البسبوسه من الحلويات المحببه لدي الجميع كبير وصغير وعملنا وقولنا طريقتها قبل كده في موقعهي ( My Food ) 

النهارده بقي هنستخدم دقيق السميد بتاع البسبوسه علشان نعمل منه كيكه سهله وسريعه ومختلفه عن الكيكه الاسفنجيه 

مقادير كيكه البسبوسه :

2 كوب زبادي

3/4 كوب زيت دره

كوب ونصف سكر او اقل لو مش عوزاه مسكره اوي

3 بيضات 

فانيلا

كوب ونصف دقيق وكوب وربع جوز الهند

كوب سميد خشن

ملعقه بيكنج بودر شيف 

طريقه  عمل كيكه البسبوسه:

اجهز الشربات الاول وهو عباره عن ( حله علي النار فيها كوبيتن سكر وكوبيتين ماء وبشر ليمون وعصير ليمون واسيبهم يغلو  ) يعني المايه اد السكر لو حابه تعملي كوبايه سكر يبقي كوبايه مايه 

نيجي بقي لطريقه عمل كيكه البسبوسه : 

• في الخلاط هنحط ( 3/4 كوب زيت + كوبيتين زبادي + 3 بيضات + فانيليا + كوب ونصف سكر ) ونخلط .

• في بوله كبيره نحط فيها كوب ونصف دقيق + كوب دقيق سميد  + بيكنج باودر + رشه ملح + جوز الهند) واقلبهم  

• اضيف الخليط اللي موجود في الخلاط علي المكونات الجافه اللي في البوله واقلب لحد ما الخليط كله يتجانس 

• بعد كده هنزل الخليط في صنيه البسبوسه وتكون مدهونه ماده دهنيه سواء زيت او سمنه 

وتدخل الفرن علي 180 في النص لمده نصف ساعه  ولما تخرج نصب الشربات بااااااااااااااااارد 

ملحوظه مهمه جدا البسبوسه العاديه الشربات بتاعها بيبقي سخن مولع وهي كمان سخنه انما دي بارد